په سوریه کې د حکومتي ځواکونو لخوا پر ملکي خلکو د ګازو د کارولو په پروني برید کې د سلګونو ملکي خلکو په وژل کیدو، د نړۍګڼ شمیر مشرانو او سازمانونو جدي عکسالعمل ښودلی. د ملګروملتونو امنیت شورا نن ددی کیمیاوي وسلې د استعمال په اړه بیړنۍ غوڼډه کوي. د فرانسې او بریتانیې مشران وایي جمهور رئیس بشارالاسد باید سمدستي له واکه لری شي، اروپايي ټولنې دا برید وحشي عمل ګڼلې او سپینې مانۍ هم په سختو ټکو غندلی. د دې برید نه وروسته نړیوالې ټولنې په جمهور رئیس بشارلاسد فشار راوستی چې د کیمیاوي وسلو زیرمې دې تسلیم کړي. د یادونې وړ ده چې پدې راپور کې زړه بوږنونکي انځورونه هم شته.