شاته

داعش: کوټه کې اوسنی او تېر دوه بریدونه موږ کړي

د انځور حقوق .

اسلامي دولت یا داعش وايي، د دوشنبې په شپه یې د بلوچستان مرکز کوټه کې برید دوی کړی دی.

په دغه برید کې دوه عیسویان ووژل او اووه نور ټپیان شول.

چارواکي وايي، بریدګرو له عبادتځي د وتلو پر مهال پر دغو کسانو برید وکړ.

د بي بي سي څار وايي، اسلامي دولت په ټلیګرام کې بیان سره ویلي چې په کوټه کې د شویو دوو بریدونو او اوسنۍ حملې مسوولیت مني.

* کوټه: د ترهګرۍ قرباني شوې مېرمنې

* "کوټه هزاره قبیلې ته په زندان بدله شوې"

افغانستان او پاکستان کې د خراسان په نوم د داعش ډلې ویلي چې د خلافت سرتېرو کوټه کې د عیسویانو عبادتځی په نښه کړ.

په سیمه کې چارواکي وايي، په ټپټپي(موټر سایکل) سپرو وسلوالو دا برید کړی دی.

له پېښې وروسته د عیسوي ټولنې اړوند خلک وپارېدل او د ټیرونو په سوځولو سره یې بروري سړک بند کړ.

د انځور حقوق .
Image caption روانه میاشت کي کوټه کې پر عیسویانو دریم برید کېږي.

کوټه کې روانه میاشت پر عیسویانو دریم ځل برید کېږي.

له دې مخکې د کوټې پر شاه زمان سړک هم پر عیسویانو برید شوی و، چې پکې د یوې ښځې په ګډون څلور کسان وژل شوي او یو ماشوم ټپي شوی و.

دا کسان د لاهور وو، خو ایسټر اختر کې د خپلوانو لیدلو لپاره کوټې ته تللي وو.

له تېر ډیسمبر راهیسې کوټه کې د ځانمرګي برید په ګډون په څو بریدونو کې ۱۵ عیسویان وژل شوي دي.